யுனெஸ்கோ நிறைவேற்றுச் சபைக்கு இலங்கையும் தெரிவு

யுனெஸ்கே நிறைவேற்றுச் சபைக்கு இலங்கை தெரிவு செய்யப்பட்டுள்ளது.

இம்மாதம் 11ஆம் திகதி பிரான்ஸ் தலைநகர் பாரிஸில்  நடைபெற்ற 38ஆவது பொதுக்கூட்டத்தில் இலங்கை நிறைவேற்றுச்சபைக்கு தெரிவு செய்யப்பட்டுள்ளது.

ஆசிய பசுபிக் வலய நாடுகளிலிருந்து யுனெஸ்கோ நிறைவேற்றுச் சபைக்கு தெரிவு செய்யப்பட்ட  6 நாடுகளில் ஒன்றாக இலங்கை காணப்படுகிறது. எதிர்வரும் 2019ஆம் ஆண்டு வரை இலங்கை நிறைவேற்றுச் சபையில் அங்கம் வகிக்கும்.

186 வாக்குகளில் 149 வாக்குகள் இலங்கைக்கு ஆதரவாக வாக்களிப்பட்டிருந்தன. இதற்காக 8 நாடுகள் போட்டியிட்டிருந்தன.

இலங்கை, மலேசியா, வியட்நாம், கொரியா, பாகிஸ்தான் மற்றும் ஈரான் ஆகிய நாடுகள் நிறைவேற்றுக்குழுவுக்கு தெரிவாகியுள்ளமை குறிப்பிடத்தக்கது.